Mama,
ma da chi it stè inventè
al no m l'è dimondi bel
l'è facil da pronunzier
l'è al prem che as'impera a balbeter
l'è l'ultum che as ries a implorer.
Par i fiu ti la piò bela
quand ien cinen
ti racont una zirudela
ti sampar atenti
t’vu chi crasan ban
tat preocup anch
par qual che al sra al so dman.
Quant amour iet de
quant ban iet riserve
quant sacrifezi et avò da fer
parchè gninta ai psess mancher.
Par i to fiu ti sampar mobilitè
gninta t'aiè fat mancher
ti sampar pronti a der
fairma t’an ries brisa a ster.
Mama,
tè in mod particùler
un monumant at duvren fer
tir anch dimondi zouvna
quand al marè i t'an eliminè
tri fiu te arlivè.
Quand la guera l'è finè
te t'ir da par tè
ma con determinazion
te purteè a termin la to mission.
Ai steva tramuntand al soul
con la vous basa per al dulour
pronunzies cal parol què:
«La veta l'an fines què;
ades un toca a mè».
Ta ti fata rispeter e aprezer
ta se fat capir al parchè
tanti medar cume te
agl’ien avanze da par sé.
Mama
ti sampar qualla anch par I'avgnir
quast l'è un nom che
al nà da sparir.
Ti adorabil
ti la mama at tot quant.
AI to nom al dà aiut sicuraza e confort
anch se ti in fen ad veta
ormai t'an ila fe piò.
Mama mama aiutum che a n'in pos piò.
Ma se t" an gn" i fos ste tè
al mond al sre bela finè.
Zirudella di Renzo Marchesini
Tratto da ”Tra poesia dialettale e lavoro contadino”, Centro Sociale Funo, 2000
Chiunque ritenga di poter rivendicare diritti su fotografie o altro materiale contenuto nel sito e non ha dato autorizzazione alla pubblicazione, è pregato di segnalarlo tramite e-mail all'indirizzo cercanelcassetto@cittametropolitana.bo.it o di contattarci telefonicamente (051 6598716 – 051 6598460) in modo che siano prese le opportune misure.
I materiali pubblicati sul sito sono disponibili per la condivisione sul web; tuttavia, l’utilizzatore dovrà citare la fonte e l’eventuale detentore dei diritti e, qualora volesse modificare il contenuto o utilizzarlo per scopi diversi da quelli del progetto, dovrà chiederne preventivamente l’autorizzazione a cercanelcassetto@cittametropolitana.bo.it.