Crinîr al vènt int i mî pinsîr
che in un mumènt. semper piò alzîr
i scappen vî e i voulen luntan
come la sâbia da in mèzz al man.
Vèil culurèdi in mèzz al mèr
che con agli ond i stan a scarzèr
gonfi e lusènti. basèdi dal soul.
con'na curouna ed gabbian in voul.
Vous cristalléini. risèt ed fandséin.
che come la fiâmma d'un sulfanéin
i duren un attum e dop un mumènt
al pèr che i sparessen rubèdi dal vènt.
Novel d'arzent trafetti da un râzz
ed louna péina int 'na sira ed Mâzz.
zéspoi ed ròs e glézin in fiour
che i t'imbarieghen dal gran udour.
Scie d'aeroplan all'orizzont
mèzzi impiglièdi int la zéma d'un mont:
i pèren tótt flash d'una fotografì
stampè solamènt int la mi fantasĭ!
Poesia di Luisa Ragagni
Vincitrice del concorso "Funo in Festa"edizione 1999
Tratta da "Tra poesia dialettale e lavoro contadino", Centro Sociale Funo, 2000