L'è tant ch'a spet par cumpagnerl'a câ
e souvr'a 'na banchena a stagh guardèr
l'arloj che prest al dog al sunarà
senza ch'à la posa a ine strichèr.
Al maz ed fiur da bon al pascirà
se a n'un dezid d'anderl'a câ a bagnèr.
Insomma a me'l narvous un ciaparà
se a stagh sens'eter que soul a fumèr.
A sent che pian la guaza um bagna tot,
a sent al grel ch' l'um fa l'inserenè.
Incosa dis a me, seinpr'acsè mot
che par stasera ormai son stè freghè.
E mentr'a pens a lia co'i uc sot
um trov d'un trat a let orinai desdè.
Poesia pievese tratta da: "Un mazulen ed viol", Raccolta di poesie pievesi.