La roda ch'prella
In campagna tott va cmod l'ha d'andèr:
l'è cme una roda ch'prella e ogni stasòn
la vin dria da cletra, instèe àautò,
inveren e premaveira, in pol sbaglièr.
Cras al furmènt e l'ua so' i filèr,
a nasc i fiùr tra i fus di cavdagnòn,
in dal tinàz s'data un nov biròn
e po' a sen pronti a meder e a vidmèr.
In dla stala la vaca fa un vidèl.
L'arzdoura fa i capòn dnanz a la porta,
la spousa nova la fa un putèn bel.
La nona che l'as sent in gamba e forta,
la dà una volta al bisti col furchèl,
la ciapa una scurnè e l'è bele morta.
Poesia di Romano Gamberini
Tratta da: Alla scoperta dei poeti locali: poesie dialettali ed in lingua italiana, Libera Università, Pieve di Cento e Castello d'Argile, 1999